મોંઘવારી ની માઝા…

૦૫-૦૭-૨૦૧૦ – ભારત દેશ માં વિપક્ષ દ્વારા ‘મોંઘવારી’ નાં વિરોધ માં “ભારત બંધ”નું એલાન થયું. કોઈ પણ અન્યાય કે અનીતિનો શાંત વિરોધ પ્રદર્શન એ તો ગાંધી વિચારધારા કહેવાય ! હા, પણ બંધ નાં નામે આમ જનતા પર જોહુકમી અને દાદાગીરી (કેટલીક ન્યૂઝ ચેનલો ની video clippings માં આવું સ્પષ્ટપણે દેખાઈ આવતું હતું !) કરવી કે કરાવવી એ આપણા રાજનેતાઓ ને બિલકુલ શોભતું નથી !

અને એ જ દિવસે ઘરકામ કરતી બાઈ (કે જેને કદાચ મોંઘવારી સીધી અસર કરે છે !) નો સવાલ હતો : “આજે હડતાલ શેની છે ?” – મને તો એમ લાગે છે કે બંધ નો હેતુ આમ જનતા નાં હિતો કરતા “Vote Bank” નાં હિતો નું રક્ષણ કરવાનો હતો !

મોંઘવારી ઉપર આમીર ખાન ની આગામી ફિલ્મ “પીપલી લાઈવ” નું એક ગીત – “મહંગાઈ ડાયન ખાય જાત હૈ”

મોંઘવારી ની માઝા છે,
પણ નેતાઓ ને તો મઝા છે !
બંધ નાં નામે “વોટબેંક”નાં ત્રાગા છે,
પણ નેતાઓને મઝા છે !

આમ આદમી ને :
અહીં બે ટંક નાં ફાંફાં છે,
પણ નેતાઓને મઝા છે !
આયખુંભર એક જોડ વાઘા છે,
પણ નેતાઓને મઝા છે !

હે, પ્રખર રાજનીતિજ્ઞો !
પાંગળી નીતિઓથી જનતા હવે ખફા છે,
પણ નેતાઓને મઝા છે !
ને આ માત્ર શબ્દો નહી પણ,
આમ આદમી ની વેદના નાં લેખા-જોખા છે !!!

આ સાથે એક હાઇકૂ(જાપાનીઝ સાહિત્ય પ્રકાર) પણ હાંકુ છું !!

હાઇકૂ :
મોંઘવારી ની માઝા વચ્ચે,
લૂંટે છે, મઝા નેતાઓ !

–  જગત નિરૂપમ

Disclaimer

© આ બ્લોગમા રજૂ થયેલી કૃતિઓના હક્કો (કોપીરાઇટ) જે તે રચનાકાર ના પોતાના છે. આ બ્લોગ પર અન્ય રચયિતાઓની રચનાઓ મૂકવામાં આવી છે તેને કારણે જો કોઇના કોપીરાઇટનો ભંગ થયેલો કોઇને જણાય અને તેની મને જાણ કરવામાં આવશે, તો તેને તરત અહીંથી દૂર કરવામાં આવશે. Disclaimer : This blog is not for any commercial purposes. The entries posted on this blog are purely with the intention of sharing personal interest.

Translate